Nadir Events tərəfindən təşkil edilən və Müslüm Maqomayev adına Azərbaycan Dövlət Akademik Filarmoniyasında klassik musiqi dahisi Lüdviq van Bethovenin yaradıcılığına həsr olunmuş konsert keçirilib.
Кlassik musiqi аxşamı sevənlər tərəfindən böyük heyranlıqla qarşılanıb. Konsert proqramına bəstəkarın ən sevilən əsərlərindən - "Für Elise" və simli orkestr üçün zərif "Minuet" daxil oldu, bu da dinləyiciləri böyük ustadın dərin və çoxşaxəli daxili dünyasına valeh etdi.
Gecənin ən yaddaqalan məqamı Adam Veselovskinin simli orkestr üçün təqdim etdiyi məşhur "Ay işığı sonatasının" orijinal təfsiri oldu. Bu ifa tamaşaçılara xüsusilə lirik və səmimi emosional təcrübə qazandırdı. Konsertin yüksək bədii səviyyəsi solistlərin ifaları ilə də vurğulandı. Zərifə Alxazova skripka və orkestr üçün "Romantika" əsərində ustalıqla ifa etdi, soprano Nigar Cəfərova isə Bethovenin vokal irsinin dramatik gücünü ortaya qoyan "Ah, perfido" ariyasında fərqlənərək tamaşaçılardan ayaq üstə alqışlar qazandı. Proqram bəstəkarın xalq motivlərinə olan bağlılığını nümayiş etdirən və axşama bədii dərinlik və rəng qatan "Şotlandiya mahnıları" ilə daha da zənginləşdirilib.
