Oktyabrın 11-də Azərbaycan Dövlət Milli Gənc Tamaşaçılar Teatrında yazıçı-dramaturq Tamara Vəliyevanın eyniadlı əsəri əsasında hazırlanan “Cəza” monotamaşası nümayiş olundu. Tamaşa çox gənc yaşlarında ailə qurmuş bir qadının taleyindən bəhs edir. Sevgilisinə görə ailəsini tərk edən qadın ömrünün sonuna kimi əzab çekir, övlad həsrətiylə yaşayır. Psixoloji oyun dramında əsas rolu Əməkdar Artist Kəmalə Мüzəffər ifa edib. Aktrisa səhnədə sanki oynamayıb, qəhrəmanın həyatını yaşayıb.
Səhnə əsərinin quruluşçu rejissoru Əməkdar İncəsənət Xadimi Mehriban Ələkbərzadə, quruluşçu rəssamı Elşən Sərxanoğludur. Dərin psixoloji yaşantıları əks etdirən mono-tamaşanın musiqi tərtibatı Ağasəlim Feyzullayevə, tryukların quruluşu isə İsa Əsədova məxsusdur.
Tamaşa tamaşaçılar tərəfindən böyük maraqla qarşılanıb.
