Opera studiyasının səhnəsində "Romeo və Cülyetta" və "Bolero" baletləri nümayiş olunub. Tamaşaların dirijoru: Xalq artisti Cavanşir Cəfərov. "Romeo və Cülyetta" Şekspirin eyniadlı əsərin motivləri əsasında qoyulub. Musiqisi Pyotr Çaykovskiyə məhsusdu. İştirak edirlər: Cülyetta - Əməkdar artist Nigar İbrahimova, Romeo - Timur Oduşev, Lorenso - Edvard Arazov, Təlxək - Mehman Mərdanov.
Azərbaycan Dövlət Akademik Opera və Balet teatrının səhnəsində yaranmış bu tamaşa baletmeysterlerin müasir dünyada baş vermiş hadisələrə baxışlarını ifadə edir. Son onilliklər ərzində baş verən amansız müharibələr yüzlər və minlərlə Romeo Culyettaiarın həyatına son qoyulmuşdur. Hər bir zəmanənin öz təlxəkləri vardır ki,onlara hamı gülür və lağ edir. Lakin taleyin hökmü ilə Hakimiyyətin bütün şıltaqlıqlarına danışıqsız tabe olur. Montekki və Kapulyetti ailələri öz aralarında mənasiz düşmənçilik yaratmiş və bu düşmənçilik onları da məhv edir. Dayanın! Öz ətrafınıza baxin! Öz övladlarınız haqqında fikirləşin! Sizin nəvə və nəticələriniz həyatı Sizdən asılıdır!
"Bolero" Ravelin ispanizmi elmilikdən daha çox "xəyalidir". Ritmi iki dəfə sürətli olan ənənəvi "Bolero" dan Ravel ancaq onun arxetipini saxlayır. Romantizma qarşı mübarizə aparan bu romantik, metafizikadan və eqsiztensial qərinələrdə yaşayan incəsənətdən imtina edir. Onun yaradıcılığında hər şeydən əvvəl özünün daxili faciəsindən gələn, süni, mahir va hamıya meydan oxuyan bir sənətə rast gəlirik. 1928-ci ildə yazılmış ’’Bolero" əsərindəki biz, sanki "nəfəs alan özünə çıxış yolu axtaran" musiqidən daha çox, insan taleyi ilə qarşılaşırıq. İntellekt və həssaslıq, idrak və ehtiras arasındakı daimi rəqabət, bu daxili, amansız mübarizəni örtüb gizlədir.
Bu əsərdə, iki dünya müharibəsi arasında, qayğısız və "yüngül", dekadent meylli Fransanın ruhu təsvir olunmuşdur. Barokko dövründə olduğu kimi sənətkarlardan və dəyərlərdən yararlanan süni əsərlər yaradırlar. "Bolero" ötən zamanın və onun qarşısında insanın gücsüzlüyünün misilsiz bir rəmzidir.
Tamaşaların nümayişi böyük uğurla keçdi və hamının zövgünə oxşadı.
